"Fənərbağça"nın hücumçusu "Qalatasaray"a keçə bilər

Türkiyənin "Fənərbağça" klubunun futbolçusu Mişi Batşuayi "Qalatasaray"a keçə bilər.

"Report" "Milliyet"ə istinadən xəbər verir ki, "sarı-qırmızılar" belçikalı hücumçunun agenti ilə razılıq əldə edib.

Nəşr son ölkə çempionunun 30 yaşlı forvardı tibbi müayinədən keçirdiyini də yazıb.

Baştuayinin "Fənərbağça"nın yeni müqavilə təklifini qəbul etmədiyi iddia olunub.

Qeyd edək ki, 2021/2022 mövsümündə icarə əsasında "Beşiktaş"ın formasını geyinən oyunçu 2022-ci ildən "Fənərbağça"nın uğurları üçün çalışıb.