Erlinq Holann İngiltərə Premyer Liqasının tarixinə düşüb

"Mançester Siti"nin futbolçusu Erlinq Holann İngiltərə Premyer Liqasının tarixinə düşüb.

"Report"un məlumatına görə, 22 yaşlı hücumçu buna "Nottingem Forest"ə 6:0 hesabı ilə qalib gəldikləri V tur oyununda het-trik etməklə nail olub.

Norveçli forvard Premyer Liqadakı ardıcıl iki matçda bunu bacaran 7-ci oyunçudur.

Daha əvvəl Les Ferdinand, İan Rayt, Tyerri Anri, Didye Droqba, Ueyn Runi və Harri Keyn eyni nailiyyətə imza atıb.

Qeyd edək ki, Erlinq Holann iyunun 13-də "Mançester Siti"yə keçib. Hücumçunun sözləşməsi 2027-ci ilin yayınadək nəzərdə tutulub.