Azərbaycanın futbol çempionatlarında gümüş və bürünc mükafat olmayacaq

Azərbaycan çempionatının I, II liqasında və əvəzedicilərində ikinci və üçüncü yeri tutan komandalara medallar verilməyəcək.

“Report”un məlumatına görə, bu barədə Peşəkar Futbol Liqasının (PFL) texniki-idman direktoru Elgiz Abbasov mətbuat konfransında bildirib.

Onun sözlərinə görə, 2023/2024 mövsümündə adıçəkilən liqalarda 2-3-cü yerləri tutanlar gümüş və bürünc mükafat almayacaqlar. Yalnız mövsümü çempion kimi başa vuran komanda qızıl medala sahib çıxacaq.