UEFA Avropa Liqasında “Qarabağ”la eyni qrupda yer alan Almaniya təmsilçisi “Bayer 04” bu mövsüm Avropada məğlub olmayan yeganə klubdur.
“Report” xəbər verir ki, Leverkuzen təmsilçisi Bundesliqanın XIV turunda “Ştutqart”la 1:1 hesablı heç-heçə edib.
Almaniya nəhəngi “Bavariya”nın uğurlu seriyası bu tur qırılıb. Münhen təmsilçisi “Ayntraxt”a 1:5 hesabı ilə uduzub.
Qeyd edək ki, “Bayer 04” hazırda 36 xalla Bundesliqada turnir cədvəlinə başçılıq edir. Almanlar Avropa Liqasının qrup mərhələsində keçirdikləri 5 görüşün hamısında qalib gəliblər.