İspaniya "Sevilya"sı baş məşqçisi Xose Luis Mendilibarla müqavilənin müddətini uzadıb.
"Report" klubun rəsmi saytına istinadən xəbər verir ki, 62 yaşlı mütəxəssislə 1 illik yeni sözləşmə imzalanıb.
Əndəlüs təmsilçisi bu mövsüm təcrübəli çalışdırıcının rəhbərliyi altında UEFA Avropa Liqasının qalibi olub.
Qeyd edək ki, Xose Luis Mendilibar bu ilin martından "Sevilya"ya başçılıq edir.