"Atalanta" UEFA Avropa Liqasının qalibi olub

UEFA Avropa Liqasında 2023/2024 mövsümünün qalibi müəyyənləşib.

"Report" xəbər verir ki, İrlandiyanın paytaxtı Dublindəki "Dublin Arena"da keçirilən final matçında Almaniyanın "Bayer 04" və İtaliyanın "Atalanta" klubları üz-üzə gəlib.

Rəqibini 3:0 hesabı ilə üstələyən berqamolular tarixlərində ilk dəfə Avropa Liqasının qalibi olublar.

Qarşılaşmanın 12, 26 və 76-cı dəqiqələrində fərqənməklə het-trik edən Ademola Lokman leverkuzenlilərin 51 oyunluq məğlubedilməzlik seriyasına son qoyub.