"Arsenal"ın qapıçısı Premyer Liqanın digər klubuna transfer olunacaq

İngiltərənin "Arsenal" klubunun qapıçısı Aaron Ramsdeyl Premyer Liqanın digər təmsilçisi "Sauthempton"a transfer olunacaq.

"Report"un "Sky Sports"a istnadən məlumatına görə, 26 yaşlı qolkiper üçün 25 milyon funt-sterlinq ödəniləcək.

Bu məbləğin 7 milyon funt-sterlinqi bonuslar şəklində olacaq. Qapıçı yaxın vaxtlarda tibbi müayinədən keçdikdən sonra "Sauthempton" klubuna qoşulacaq.

Qeyd edək ki, 2021-ci ildən “Arsenal”ın formasını geyinən A.Ramsdeyl 78 oyuna çıxıb. Həmçinin 2021-ci ildən bəri İngiltərə millisinin heyətində 5 oyunda iştirak edib.