Alisson Beker və Məhəmməd Salahın durumuna aydınlıq gəlib

İngiltərənin "Liverpul" komandasının iki əsas futbolçusu - Alisson Beker və Məhəmməd Salahın zədələri tam sağalıb.

"Report" "The Times" nəşrinə istinadən xəbər verir ki, onlar Premyer Liqanın IX turunda "Mançester Yunayted"lə görüşdə iştirak edə biləcəklər. Braziliyalı qapıçının görüşə start heyətdə başlayacağı ehtimal olunur.

Qeyd edək ki, Beker İngiltərə Premyer Liqasının I turunda "Norviç Siti"ni məğlub etdikləri (4:1) görüşdə zədələnib. Salah isə milli komandaların oyunları ilə əlaqədar yaranan fasilədən öncə xəsarət alıb və Misir yığmasının düşərgəsinə yollana bilməyib.

Oktyabrın 20-də keçiriləcək "Mançester Yunayted" - "Liverpul" matçı Bakı vaxtı ilə saat 19:30-da başlayacaq.