“Formula 1” pilotu Maks Ferstappen öz komandasını yaradacaq

“Formula 1” üzrə dünya çempionatında mübarizə aparan “Red Bull”un pilotu Maks Ferstappen öz komandasını yaradacaq.

“Report” xəbər verir ki, niderlandlı sürücü bunu yarışın rəsmi saytına açıqlamasında deyib.

İkiqat dünya çempionu bildirib ki, onun formalaşdıracağı GT3 komandası 2025-ci ildən avtomobil yarışına qatılacaq: “Ən azı iki avtomobillə mübarizəyə qoşulacağıq. Komanda hazırda “Verstappen.com Racing” adlanır. Bu macəranın bizi hara qədər aparacağını birlikdə görəcəyik”.

Qeyd edək ki, Maks Ferstappen 2021 və 2022-ci illərdə “Formula 1” üzrə dünya çempionatının qalibi olub. 26 yaşlı pilot hazırda davam edən 2023 mövsümünə 13 mərhələdən sonra 314 xalla liderlik edir.