Ukrayna Tokio-2020-də gümüş medal qazanan azərbaycanlı idmançıya veriləcək pul mükafatını açıqlayıb

Ukrayna Gənclər və İdman Nazirliyi Tokio-2020 Olimpiya Oyunlarından ölkəyə medalla qayıtmış idmançılara düşəcək pul mükafatlarının miqdarını açıqlayıb.

Nazirlikdən “Report”un Şərqi Avropa bürosunun sorğusuna cavab olaraq bildirilib ki, qızıl medal sahibinə 125 min ABŞ dolları, gümüş medal sahibinə 80 min dollar, bürünc medal sahibinə isə 55 min dollar veriləcək.

Qeyd edək ki, Ukraynanı Tokio-2020 Olimpiya Oyunlarında 67 kq çəki dərəcəsində yunan-roma güləşi üzrə azərbaycanlı Pərviz Nəsibov təmsil edərək gümüş medal qazanıb.