Türkiyə millisinin futbolçusu Avropa çempionatlarının tarixinə düşüb

Türkiyə milliisinin futbolçusu Arda Gülər Avropa çempionatlarının tarixinə düşüb.

"Report" xəbər verir ki, "Real"ın (Madrid) üzvü qitə turnirləri tarixində ilk oyununda qol vuran ən gənc oyunçu (19 yaş 114 gün) olub.

O, bu uğuru Gürcüstanla keçirilən matçda komandasının ikinci qolunu vurmaqla gerçəkləşdirib.

A.Gülər portuqaliyalı Kriştianu Ronaldunun AVRO-2004-dəki rekordunu ( 19 yaş 128 gün) yeniləyib.

Qeyd edək ki, AVRO-2024-ün F qrupunun matçında Türkiyə Gürcüstan yığmasına 3:1 hesabı ilə qalib gəlib.