Sərbəst və yunan-Roma güləşi üzrə Bakı çempionatı keçirilib

Şağan Olimpiya İdman Kompleksində sərbəst və yunan-Roma güləşi üzrə U-20 Bakı çempionatı keçirilib.

Federasiyadan "Report"a verilən məlumata görə, sərbəst güləş üzrə yarışda Elvin Cəfərqululu (57 kq), Zamin Məmmədov (61 kq), Balaxan Hüseynov (65 kq), Fazil İsmayılzadə (70 kq), Heydərəli Seyidov (74 kq), Emin Qaçayev (79 kq), Abdulla Şərif (86 kq), Vüqar Həsənov (92 kq), İsa Hüseynov (97 kq) və Nizami Allahverdiyev (125 kq) çempion olublar.

Yunan-Roma güləşi üzrə isə Bəxtiyar Hüseynov (55 kq), Maksut Cankurtaran (60 kq), Murad Əliyev (63 kq), Memar İbrahimov (67 kq), Məhəmməd Qurbanov (72 kq), Cavidan Nehmətov (77 kq), Hüseyn Yusifzadə (82 kq), Cocu Səmədov (87 kq), İsa Hüseynov (97 kq) və Museyi-Kazım Hüseyn (130 kq) fəxri kürsünün ən yüksək pilləsinə qalxıblar.

Qeyd edək ki, Bakı çempionatı 29 yanvar – 1 fevral tarixlərində keçiriləcək U-20 Azərbaycan çempionatına seçim xarakteri daşıyıb.