Qızıl medal qazanan Azərbaycan güləşçisi: "Yarışa çox yaxşı hazırlaşmışdım"

Yarışa çox yaxşı hazırlaşmışdım, qələbə qazanacağıma əmin idim.

"Report"un Qərb bürosunun məlumatına görə, bunu III MDB Oyunlarının ikinci günündə qızıl medal qazanan Azərbaycan güləşçisi Rəvan Həsənzadə bildirib.

"Yarış çox yüksək səviyyədə keçirildi. Azarkeşlərin dəstəyi mənə çox motivasiya verirdi. Görüşlər və rəqiblər çətin idi. İkinci görüşümdə özbəkistanlı rəqibim məni üstələyirdi, sonradan qalib gəldim. Üçüncü görüşümdə rus idmançı Avropa çempionu idi. Ona da qalib gəldim. Ən sonda isə Belarus idmançısından üstün oldum. Qələbələrimin sayının çox olmasını istəyirəm", - deyə Rəvan Həsənov qeyd edib.

Qeyd edək ki, o, 48 kq çəkidə qızıl medal sahibi olub.