Paralimpiya çempionlarından ikisi Bakıya qayıdıb

Tokio-2020 Yay Paralimpiya Oyunlarında iştirak edən Azərbaycan komandasının bir neçə üzvü Bakıya qayıdıb.

"Report"un məlumatına görə, bununla əlaqədar Milli Paralimpiya Komitəsi, Bakı şəhər Gənclər və İdman Baş İdarəsi, Azərbaycan Cüdo Federasiyası və "Neftçi" İdman Klubu qarşılama mərasimi təşkil edib.

Qızıl medal qazanan paracüdoçular Vüqar Şirinli (60 kq) və Şəhanə Hacıyeva (48 kq), bürünc medalçı Namiq Abbaslı (66 kq), eləcə də 7-ci yerlə kifayətlənməli olan Bəsti Səfərovanı (52 nkq) Heydər Əliyev Beynəlxalq Aeroportunda idman ictimaiyyəti və yaxınları qarşılayıb.