Lamiyə Vəliyeva: Yay Olimpiya Oyunlarında iştirak etmək üçün üzərimdə çox işləməliyəm

Niyə də olimpiadada iştirak etməyim? Bunu zaman göstərəcək. Təbii ki, bunun üçün üzərimdə çox işləməliyəm.

Bunu "Report"a müsahibəsində Paris-2024 Yay Paralimpiya Oyunlarında qızıl və gümüş medal qazanan Lamiyə Vəliyeva deyib.

Paraatlet sağlam idmançıların yarışlarına da qatıldığını bildirib:

"Hətta qazandığım naliyyətlər də olub. Bu gün mənim gözümdə problem varsa, o demək deyil ki, özümə məhdudiyyət qoymalıyam. Məqsədlərim böyükdür".

Qeyd edək ki, 22 yaşlı idmançı Paris-2024-də 100 metr məsafəyə qaçışda qızıl mükafat əldə edib. O, 400 metr məsafəyə qaçışda gümüş medala sahib çıxıb.

Lamiyə Vəliyevanın müsahibəsinin tam versiyasını buradan oxuya bilərsiniz.