İslamiada: Azərbaycanın idman gimnastları fərdi çıxışlarda medalsız qalıb

Türkiyənin Konya şəhərində keçirilən V İslam Həmrəyliyi Oyunlarında Azərbaycanın idman gimnastları fərdi finallarda çıxış ediblər.

"Report"un Konyaya ezam olunmuş əməkdaşının verdiyi məlumata görə, Milana Minakovskaya əvvəlcə müxtəlif hündürlüklü qollarda çıxış edib. Hakimlərdən 10,867 xal alan Minakovskaya 4-cü yerlə kifayətlənib.

O, gimnastika tiri üzərində hərəkətlərdə 11,067 xal toplamasına baxmayaraq, yenə 4-cü yeri tutub.

Xalça üzərində sərbəst hərəkətlərdə isə Minakovskaya 10,867 xalla 7-ci yeri tutubsa, onun komanda yoldaşı Samirə Qəhrəmanova 11,933 xalla 6-cı olub.

Beləliklə, Azərbaycanın idman gimnastları fərdi mübarizəni medalsız başa vurublar.