Hovuzlardan istifadəyə icazə verildi

İdman və sağlamlıq-bərpa obyektlərinin (tənəffüs yollarını qoruyan fərdi vasitələrdən istifadə tələbi olmadan), çimərliklərin və onların ərazisində yerləşən hovuzların, su attraksionlarının və idman oyunu yerlərinin fəaliyyəti 10 iyun saat 00:00-dan bərpa ediləcək.

"Report"un məlumatına görə, bu barədə Azərbaycan Respublikasının Nazirlər Kabineti qərar qəbul edib.

Baş Nazir Əli Əsədovun imzaladığı qərarda bildirilir ki, yaşı 18-dən aşağı olan şəxslərdən başqa, idman və sağlamlıq-bərpa obyektlərindən yalnız COVID-19 pasportu (COVID-19-a qarşı peyvənd sertifikatına malik olan) və ya COVID-19-a qarşı immunitet sertifikatı (COVID-19-dan sağalaraq immunitetə malik olan) olan şəxslər istifadə edə bilərlər.