Azərbaycanın taekvondo millisi Türkiyədə beynəlxalq turnirdə iştirak edəcək

Azərbaycanın gənclərdən ibarət taekvondo millisi Türkiyənin Antalya şəhərində keçiriləcək “Turkish Open” beynəlxalq turnirində iştirak edəcək.

Azərbaycan Taekvondo Federasiyasından (ATF) "Report"a verilən məlumata görə, yarışda ölkəmizi baş məşqçi Rəşad Məmmədov, məşqçilər Fəridə Əzizova və Ayxan Tağızadənin rəhbərliyi altında 27 idmançı təmsil edəcək.

Gənclərin yarışı fevralın 13-14-də baş tutacaq.

Qeyd edək ki, yığma ilə birgə turnirə ATF-in vitse-prezidenti Niyaməddin Paşayev də yollanacaq.