Azərbaycanın çimərlik güləşçiləri Dünya Seriyasının final mərhələsində çıxış edəcəklər

Azərbaycanın çimərlik güləşçiləri Xorvatiyanın Poreç şəhərində keçiriləcək Dünya Seriyasının final mərhələsində çıxış edəcəklər.

"Report" xəbər verir ki, oktyabrın 12-13-də reallaşacaq yarışda baş məşqçi Oyan Nəzərianinin rəhbərliyi altında Ramiz Həsənovla (80 kq) İbrahim Yusubov (90 kq) mübarizə aparacaqlar.

Qeyd edək ki, bu yarışdan dərhal sonra bütün mərhələlər üzrə toplanan xallar hesablanacaq və çimərlik güləşi üzrə dünya çempionları müəyyənləşəcək.