Azərbaycan üzgüçüsü Əbu-Dabidəki beynəlxalq yarışda 7 medal qazanıb

Azərbaycan üzgüçüsü Yeqor Maynitski Birləşmiş Ərəb Əmirliklərinin paytaxtı Əbu-Dabidə keçirilən beynəlxalq yarışda 7 medal qazanıb.

Üzgüçülük Federasiyasından "Report"a verilən məlumata görə, idmançı öz yaşıdları arasında yarışın ən yaxşısı seçilib.

14 yaşlı üzgüçü 50, 100 və 200 metr məsafələrə brass üsulu üzrə üzməkdə bütün rəqiblərini üstələyib.

Bundan başqa, Y.Maynitski 200 metr məsəfəyə qarışıq üsulda da finişə hamıdan birinci çatıb. O, 400 metr məsafəyə qarışıq və 50 metr məsafəyə sərbəst üsulda üzməkdə ikinci olub.

İdmançı kəpənək üsulunda 50 metr məsafədə üçüncü olub.

Beləliklə Y.Maynitski ümumilikdə 4 qızıl, 2 gümüş və 1 bürünc medal qazanıb.

Qeyd edək ki, turnir dekabrın 14-16-sı aralığında keçirilib.