Azərbaycan paralimpiyaçısı reytinq turnirində qızıl medal qazanıb

Azərbaycanın boççia idman növü üzrə paralimpiyaçısı Xəyal İslamov (BC4) Niderlandın Veldhoven şəhərində keçirilən "Intercontinental Challenger" turnirində qızıl medal qazanıb.

"Report"un məlumatına görə, Sona Ağayeva (BC2), Nərmin Ağayeva (BC4) və Bəhruz Mirzəyev (BC4) isə 3-cü yeri tutublar.

Qeyd edək ki, yarış Paris 2024 XVII Yay Paralimpiya Oyunlarında iştirak üçün reytinq xalları qazandırır.