MDB Oyunları yenidən təxirə salınır

Fərdi

29 iyul, 2020
08:38

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bu il Rusiyanın Kazan şəhərində keçirilməli olan MDB ölkələri Oyunlarının vaxtı yenidən dəyişdirilə bilər.

"Report"un məlumatına görə, bu barədə TASS-a Tatarıstanın İdman naziri Vladimir Leonov deyib.

O bildirib ki, təşkilatçılar yarışın oktyabrın əvvəlində təşkilini planlaşdırsalar da, koronavirus pandemiyası səbəbindən onun yenidən təxirə salınması variantını da nəzərdən keçirirlər.

Qeyd edək ki, MDB ölkələrinin Oyunları 20 - 27 avqustda keçirilməli idi. Yarışda Azərbaycan da daxil olmaqla, MDB-nin 11 ölkəsindən yaşı 16-dək olan 2 500 idmançı iştirak edəcək. Turnirin proqramına 21 idman növü salınıb. Oyunlarda 280 dəst medal sahibini tapacaq.