Azərbaycan gimnastları “Friendship-2023” turnirində iştirak edəcəklər

Batut gimnastikası üzrə Azərbaycan millisinin üzvləri Çexiyanın Yablones nad Nisou şəhərində keçiriləcək “Friendship-2023” beynəlxalq turnirində iştirak edəcəklər.

Azərbaycan Gimnastika Federasiyasından "Report"a verilən məlumata görə, Fərhad Mustafayev, Ayan Şabanova, İbrahim Mustafazadə, Ammar Baxşaliyev, Əli Niftəliyev, Hüseyn Abbasov, Mehdi Əliyev, Ömər Qasımlı, Samirə Hüseynova, Nicat Mirzəyev hazırda sözügedən ölkədədirlər.

Bu gün start götürəcək yarış oktyabrın 14-də başa çatacaq.