Azərbaycan cüdoçuları Avropa çempionatında qarışıq komanda yarışının qalibi olublar

Azərbaycanın gənc cüdoçuları Estoniyanın paytaxtı Tallində keçirilən Avropa çempionatının qarışıq komanda yarışının qalibi olublar.

"Report" xəbər verir ki, mübarizəyə 1/8 finaldan başlayan tatami ustalarımız həlledici mərhələyə qədər maneəsiz irəliləyiblər.

Finalda Fransa millisini 4:3 hesabı ilə üstələyən komandamız tarixində ilk dəfə Avropa çempionatının qarışıq komanda yarışını qızıl medalla başa vurub.

Qeyd edək ki, milli üzvləri 4 qızıl, 2 gümüş və 2 bürünc medal qazanaraq Avropa çempionatında ümumi hesabında da birinci yeri tutub.