Digər ölkələrdəki beynəlxalq yarışlarda da bayrağımızı qaldıracağıq.
"Report"un Mingəçevirə ezam olunan əməkdaşının məlumatına görə, bunu “Prezident Kuboku 2024” beynəlxalq reqatasında bürünc medal qazanan Azərbaycan təmsilçisi İbrahim Məmmədzadə deyib.
2010-2011-ci il təvəllüdlü idmançılar arasında Sərhad Fərhadlı ilə iki nəfərlik kayak yarışında üçüncü olan atlet ağır məşqlər etdiklərini bildirib: "Məhz bunun nəticəsində bürünc medal əldə etdik. Azərbaycanlı olduğumuz üçün fəxr edirik".
Qeyd edək ki, 21 ölkə təmsilçilərinin qatıldığı turnir bu gün başa çatacaq.