Avropa birinciliyində 14 medal qazanmış Azərbaycan yığması vətənə qayıdıb

Moldovada keçirilən ağırlıqqaldırma üzrə 15 və 17 yaşlı yeniyetmələr arasında Avropa birinciliyində uğurlu çıxış etmiş Azərbaycan yığma komandası Bakıya qayıdıb.

"Report"un məlumatına görə, idmançıları Heydər Əliyev Beynəlxalq Aeroportunda azarkeşlər, federasiya rəsmiləri və jurnalistlər qarşılayıblar.

Qeyd edək ki, ağırlıqqaldıranlarımız Avropa birinciliyində - 14 medal (8 qızıl, 4 gümüş və 2 bürünc) qazanıb.