AMADA qadın boksçular üçün seminar təşkil edib

Azərbaycan Milli Antidopinq Agentliyi (AMADA) tərəfindən Azərbaycan Boks Federasiyasının qadın idmançıları üçün antidopinq maarifləndirmə seminarı təşkil edilib.

Bu barədə "Report"a AMADA-nın mətbuat xidmətindən məlumat verilib.

Tədbirdə antidopinq sisteminin əhəmiyyəti, antidopinq qayda pozuntuları, dopinq nəzarəti prosesi, Qadağan edilmiş siyahı və Terapevtik İstifadə üçün İstisnalar kimi önəmli antidopinq mövzuları barədə fikir mübadiləsi aparılıb.