ACF-nin təşkilatçılığı ilə Bakıda Kodokan mütəxəssislərinin iştirakı ilə ne-vaza üzrə seminar başlayıb

Azərbaycan Cüdo Federasiyasının (ACF) təşkilatçılığı ilə Bakıda Kodokan mütəxəssislərinin iştirakı ilə ne-vaza üzrə seminar başlayıb.  

"Report" xəbər verir ki, təlimlərə dünyanın ən nüfuzlu cüdo məktəbinin tanınmış mütəxəssisləri – 8-ci dan sahibləri Hirano Hiroyuki və Mikihiro Mukai rəhbərlik edirlər.  

Onların zəngin təcrübəsi və metodik yanaşması iştirakçılara cüdonun incə texniki məqamlarını öyrənmək imkanı verir.   

Cüdo üzrə milli komandaların Təlim-Məşq Mərkəzində keçirilən ilk məşğələ kime-no-kata mövzusuna həsr olunub. Bu məşğələ həm praktiki bacarıqların təkmilləşdirilməsi, həm də cüdonun fəlsəfəsi və ənənələrinin dərindən mənimsənilməsi baxımından böyük əhəmiyyət daşıyır.