70 yaşlı atlet 4 illik diskvalifikasiya olunub

Amerikalı 70 yaşlı atlet Loretta Terner 4 illik diskvalifikasiya olunub.

"Report" xəbər verir ki, bu barədə ABŞ Antiopinq Agentliyinin (USADA) mətbuat xidməti məlumat yayıb.

Cəzaya atletin iyul ayında ABŞ-də veteranlar arasında keçirilən çempionatda verdiyi dopinq testində ksandrolon və onun metabolitlərinin müsbət çıxması səbəb olub.

Antidopinq qaydalarını pozan idmançının cəzası avqustun 9-dan qüvvəyə minib. Onun iyulun 19-dan bəri göstərdiyi nəticələr isə ləğv olunub.

Qeyd edək ki, L.Terner 2023-cü ildə 65-69 yaş aralığında idmançılar arasında 50, 60 və 100 metr məsafələrə qaçışda dünyanın ən yaxşısı adını qazanıb. Onun 13 övladı və 46 nəvəsi var.