Yuxarı
    Bağlamaq

    “Total”ın İrandakı fəaliyyətinə ABŞ-dan xüsusi icazə alması üçün 2 ay vaxtı var

    Dinlə

    Bakı. 30 may. REPORT.AZ/ Fransanın “Total” şirkəti İranda fəaliyyətini davam etdirmək üçün yaxın 2 ay ərzində ABŞ hökumətindən xüsusi icazə almalıdır. 

    “Report” bu barədə xarici mətbuata istinadən xəbər verir.

    “Fransa hökuməti “Total”ın İranda qalması üçün 60 gün ərzində ABŞ hökuməti ilə danışıqlar apara bilər”, - deyə İranın neft naziri Bijan Zanqane bildirib.

    Xatırladaq ki, İranın milli neft şirkəti 2017-ci ilin iyul ayının əvvəlində “Total”la “Cənubi Pars 11” qaz yatağının işlənməsi üçün 1 mlrd. dollar dəyərində müqavilə imzalayıb. Fransa şirkət layihədə 50,1% paya malikdir. Əgər şirkət layihədən çıxsa, onun payını Çinin neft-qaz şirkəti – CNPC əldə edəcək. Hazırda Çin şirkəti layihədə 30% paya malikdir. Qalan 19,9%-lik hissə isə İranın “Petropars” şirkətinə məxsusdur. 

    Bir qədər əvvəl "Total" bəyan edib ki,  xüsusi razılıq olmazsa, bu il noyabrın 4-nə qədər “Cənubi Pars 11” layihəsindən çıxacaq.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi