Səudiyyə Ərəbistanı noyabr üçün neft qiymətlərini aşağı salıb

Səudiyyə Ərəbistanının milli neft şirkəti "Saudi Aramco" noyabr ayında ABŞ, Avropa və Asiya üçün satış qiymətlərini aşağı salıb.

"Report" xəbər verir ki, bu barədə "Bloomberg" məlumat yayıb.

Məlumatda deyilir ki, "Saudi Aramco" Uzaq Şərq ölkələri üçün "Arab Light" markalı neftin qiymətini 0,4 dollar/barel azaldıb.

Səudiyyə şirkəti Aralıq dənizi bölgəsində, Avropanın şimal-qərbində və ABŞ-da neft alıcıları üçün nəzərdə tutulmuş bütün növlərin qiymətlərini aşağı salıb.