“Şahdəniz”dən hasil edilən 93 mlrd kubmetr qaz ixrac edilib

Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar bloku bu ilin martın 1-dək təqribən 178,9 milyard kubmetr qaz hasil edilib.

Bu barədə “Report” Energetika Nazirliyinin bu ilin iki ayında ölkədə neft-qaz hasilatı ilə bağlı hazırladığı operativ məlumatlara əsasən xəbər verir.

Məlumata görə, “Şahdəniz” qaz-kondensat yatağı istismara veriləndən martın 1-dək təqribən 138,2 milyard kubmetr qaz hasil edilib.

Bu dövrdə “Şahdəniz” yatağından hasil edilən qazın 93 milyard kubmetri ixraca nəql edilib.