Neft yenidən ucuzlaşmağa başlayıb

Həftənin birinci yarısı kəskin artımdan sonra aprelin 14-də neftin qiyməti düşüb.

“Report” birjalara istinadən xəbər verir ki, Şimal dənizində hasil olunan Brent” neftinin fyuçersləri 0,4% ucuzlaşaraq, 1 bareli 108,33 ABŞ dollarına satılıb. WTI neftinin fyuçerslərinin qiyməti isə 0,7% aşağı düşərək, 1 bareli 103,56 ABŞ dolları təşkil edib.

Dünən Beynəlxalq Enerji Agentliyi bəyan edib ki, sanksiyalar və ya embarqo səbəbindən may ayında Rusiyada gündəlik neft hasilatı 3 milyon barel azala bilər.

Eyni zamanda, böyük treyderlər may ayında Rusiyanın dövlət neft şirkətlərindən neft alışını azaltmağı planlaşdırırlar.