Gürcüstan Azərbaycandan neft və qaz idxalını azaldıb

Bu ilin ilk dörd ayında Gürcüstan Azərbaycandan 802,8 mln. kubmetr həcmində təbii qaz idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.

Azərbaycanın qonşu ölkəyə ixrac etdiyi təbii qazın ümumi dəyəri 136,8 mln. ABŞ dolları təşkil edib.

İllik müqayisədə Gürcüstanın Azərbaycandan tədarük etdiyi təbii qazın həcmi 54,5 min kubmetr və ya 6,3% azalıb.

Yanvar-apreldə qonşu ölkə Azərbaycandan 13,6 mln. ABŞ dolları dəyərində 41,9 min ton neft və neft məhsulları idxal edib. Bu həcm illik müqayisədə 20,23 min ton və yaxud 32,5% azdır.