“Azneft”in baş direktoru DTX-nin yubiley medalı ilə təltif olunub

Azərbaycan Dövlət Neft Şirkətinin (SOCAR) “Azneft” İstehsalat Birliyinin baş direktoru Daşqın İskəndərov Dövlət Təhlükəsizlik Xidmətinin (DTX) və Xarici Kəşfiyyat Xidmətinin yaranmasının 100 illiyi münasibətilə təltif olunub.

“Azneft”dən “Report”a verilən məlumata görə, təqdimat mərasimində çıxış edən xidmətin səlahiyyətli şəxsi bildirib ki, yubiley medalının D.İskəndərova təqdim olunması Dövlət Təhlükəsizlik Xidmətinin “Azneft” İstehsalat Birliyinin kollektivinə olan böyük etimadının bariz nümunəsidir.

Baş direktor belə bir şərəfli ada layiq görüldüyünə görə Dövlət Təhlükəsizlik Xidmətinin rəhbərliyinə təşəkkürünü ifadə edib.