Azərbaycanda I yarımildə 19 milyard kubmetrə yaxın əmtəəlik qaz hasil edilib

Bu ilin I yarısında Azərbaycanda 24 milyard 247,5 milyon kubmetr təbii qaz hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 18 milyard 177,8 milyon kubmetri əmtəəlik təbii qazın payına düşüb.

Ötən ilin eyni dövrü ilə müqayisədə təbii qaz hasilatı 3,6 %, əmtəəlik qaz hasilatı isə 3,2 % artıb.

Bundan başqa, bu ilin yanvar-iyun aylarında Azərbaycanda 15 milyon 203 min ton qaz kondensatı daxil olmaqla xam neft hasil edilib. Bunun 15 milyon 160 min tonu əmtəəlik xam neftin payına düşüb.

Ötən ilin eyni dövrü ilə müqayisədə həm xam, həm də əmtəəlik neft hasilatı 7,7 % azalıb.