Azərbaycan, Qazaxıstan və Özbəkistan enerji sistemlərinin birləşdirilməsi üzrə Əməkdaşlıq Memorandumu imzalayıb

Azərbaycan, Qazaxıstan və Özbəkistanın enerji sistemlərinin birləşdirilməsi üzrə Əməkdaşlıq Memorandumu imzalanıb.

“Report” xəbər verir ki, bu barədə iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, Özbəkistana işgüzar səfəri çərçivəsində Azərbaycan, Özbəkistan və Qazaxıstan iqtisadiyyat və energetika nazirlərinin üçtərəfli görüşündə "Azərbaycan, Qazaxıstan və Özbəkistanın enerji sistemlərinin birləşdirilməsi üzrə Əməkdaşlıq Memorandumu" imzalanıb.

“Sənədin icrası "yaşıl enerji"nin istehsalı və Azərbaycan ərazisi vasitəsilə Avropaya ixracı, enerji sistemlərinin inteqrasiyası və bərpa olunan resurslardan səmərəli istifadənin təşkili istiqamətində birgə hədəflərin həyata keçirilməsinə təkan verəcək”, - deyə M. Cabbarov bildirib.

During the trilateral meeting of Economy and Energy Ministers from #Azerbaijan, #Uzbekistan, and #Kazakhstan, held as part of our working visit to Uzbekistan, we signed the Memorandum of Understanding on Merging the Energy Systems of Azerbaijan, Kazakhstan, and Uzbekistan. The… pic.twitter.com/hOdgdoOMq0

— Mikayil Jabbarov (@MikayilJabbarov) May 1, 2024