Ötən il ali məktəblərdən xaric edilən tələbələrin sayı açıqlanıb

Ötən il Azərbaycanın ali təhsil müəssisələrindən xaric edilən tələbələrin sayı açıqlanıb.

“Report” xəbər verir ki, bu barədə 2022-ci il üçün tələbə qəbulu və ümumi təhsil müəssisələri üzrə buraxılış imtahanları nəticələrinə dair elmi-statistik materialların əks olunduğu “Abituriyent” jurnalının 12-ci nömrəsində məlumat yer alıb.

Qeyd edilib ki, 7855 tələbə ali məktəblərdən xaric olunub.

Onlardan 4280-i bakalavr, 946-sı magistratura, 1409-u tam orta, 1220-si isə ümumi orta ixtisas bazası üzrə təhsil alırmış.