Kamran İmanov: Bütün universitetlərdə əqli mülkiyyətlə bağlı fənlər keçirilməlidir

Bütün universitetlərdə əqli mülkiyyətlə bağlı fənlər keçirilməlidir.

"Report” xəbər verir ki, bunu Əqli Mülkiyyət Agentliyinin İdarə Heyətinin sədri Kamran İmanov jurnalistlərlə görüşündə deyib.

O qeyd edib ki, indiyədək Azərbaycanda iki universitetdə - Bakı Dövlət Universiteti və Azərbaycan Memarlıq və İnşaat Universitetində Əqli Mülkiyyət kafedrası var.

"Əhali əqli mülkiyyət sahəsində maarifləndirilməlidir", - deyə o əlavə edib.

K.İmanov eyni zamanda Agentliyin media ilə işinə də toxunub:

"Media iki məkanda işləyir. Biri informasiya məkanıdır, ikincisi əsərlərdir. Ona görə də media və Agentlik arasında sıx əməkdaşlıq davam etməlidir".