İsa Həbibbəyli: Alimlərimizin məqalələrinin impakt faktorlu jurnallarda dərcolunma göstəriciləri ürəkaçan deyil

Azərbaycan Milli Elmlər Akademiyasında (AMEA) alimlərin məqalələrinin yüksək reytinqli impakt faktorlu jurnallarda dərcolunma göstəriciləri çox da ürəkaçan deyil.

"Report" xəbər verir ki, bunu AMEA-nın prezidenti İsa Həbibbəyli qurumun 2025-ci il üzrə Ümumi yığıncağında deyib.

Onun sözlərinə görə, Akademiya monoqrafiyaların və məqalələrin sayına görə respublika üzrə rekord göstəricilərə malikdir:

"Təəssüf ki, yüksək reytinqli impakt faktorlu jurnallarda dərc olunan məqalələr baxımından keçən illə müqayisədə irəliləsək də, göstəricilərimiz çox da ürəkaçan deyil. Akademiyanın elmi bölmələrinin rəhbərləri, elmi-tədqiqat institutlarının direktorları bu sahədə ciddi dönüş yaratmaq üçün çox çalışmalıdırlar".