Gələn həftənin imtahan qrafikləri yaxın günlərdə elan ediləcək

“Bu həftə ərzində gələn həftə üzrə keçiriləcək imtahan qrafikləri, yəqin ki, məlum olacaq”.

“Report” xəbər verir ki, bunu Dövlət İmtahan Mərkəzinin (DİM) Mətbuatla iş və elektron kommunikasiya sektorunun müdiri Xanlar Xanlarzadə Nazirlər Kabineti yanında Operativ Qərargahın brifinqində deyib.

DİM rəsmisi qeyd edib ki, 58 mindən artıq şagird və abituriyentin iki həftə ərzində imtahanda iştirakı nəzərdə tutulur.