Emin Əmrullayev: “Əməkhaqqı artımından sonra direktor olmaq istəyənlərin sayı çoxalıb”

Elm və təhsil naziri Emin Əmrullayev əməkhaqqı artırılandan sonra direktor olmaq istəyənlərin sayının çoxaldığını bildirib.

"Report" xəbər verir ki, nazir bunu Azərbaycan müəllimlərinin XVI Qurultayında çıxışında deyib.

O qeyd edib ki, bu gün 896 direktor 2 050 manat orta aylıq əməkhaqqı alır.

"Əvvəl kimsə direktor olmağa maraq göstərmirdi, amma əməkhaqqı artımından sonra istək çoxalıb. 2 691 direktor müavini 1 350 manat orta aylıq əməkhaqqı alır", - nazir deyib.