Laçın-Xankəndi yolunda ekofəallar abadlıq işləri aparacaq, ağaclar əkəcəklər

Laçın-Xankəndi yolunda ekofəallar abadlıq işləri aparacaq, ağaclar əkəcəklər.

"Report" xəbər verir ki, ekofəallar 138 günlük aksiyadan sonra ərazini mərhələli şəkildə tərk edəcəklər.

Xəbər verildiyi kimi, Laçın-Xankəndi yolunda təşkil olunan və 138 gündür davam edən ekofəalların aksiyası bu gün dayandırılıb.

Hazırda polislər aksiya iştirakçılarının təhlükəsizliyini təmin edir.

2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

2022-ci il dekabrın 12-dən etibarən isə etiraz aksiyası başlayıb.