Göygöldə kömür quyuları aşkarlanıb

Bakı. 21 avqust. REPORT.AZ/ Göygöl rayonu Toğana kəndi ərazisində kömür hazırlanması ilə bağlı Ekologiya və Təbii Sərvətlər Nazirliyinin (ETSN) “Qaynar xətt”inə daxil olan şikayəti Nazirliyin əməkdaşları araşdırıb.

Bu barədə "Report"a ETSN-in Mətbuat xidmətindən məlumat verilib.

Araşdırma zamanı Göygöl rayon Toğana kənd sakinləri Məzahir Qurbanov və Mamed Süleymanov tərəfindən həyətyanı torpaq sahələrində qanunsuz yolla əldə edilən meşə materialından kömür hazırlandığı faktı təsdiqini tapıb.

Faktla bağlı qanun pozucuları barəsində protokol tərtib olunub və hər biri İnzibati Xətalar Məcəlləsinə əsasən, 300 manat məbləğində cərimə edilib. Kömür quyularının ləğv olunması məqsədilə onlara icrası məcburi olan müddətli “məcburi göstəriş” verilib.