Azərbaycanın milli parklarında velosiped yolları salınacaq

Bakı. 30 iyun. REPORT.AZ/ “Tapşırıq veriləcək ki, bütün milli parklarda velosiped yolları salınsın”.

“Report”un xəbərinə görə, bunu Azərbaycanın ekologiya və təbii sərvətlər naziri Hüseynqulu Bağırov deyib.

O bildirib ki, velosiped yollarının salınması ideyası müsbətdir: “Bu, bir qədər vaxt aparan işdir. Elə ərazilər var ki, bir aya iki marşrut salmaq olar. Amma elə yerlər də var ki, möhkəmləndirilmə işləri aparılmalıdır”.