Tanınmış rus şairinin kitabı hərracda 600 min rubla satılıb

Bakı. 4 iyun. REPORT.AZ/ Tanınmış rus şairi Vladimir Mayakovskinin şeirlər kitabı hərracda 600 min rubla (13 min manat) satılıb.

"Report" Rusiya KİV-inə istinadən xəbər verir ki, auksiona şairin 1929-cu ildə çapdan çıxmış kitabı çıxarılıb. 

İlkin qiyməti 130 min rubl olan kitabı əldə etmək istəyənlərin arasında gedən rəqabət nəticəsində 600 min rubla satılıb.

Bundan başqa, hərracda Boris Pasternakın 1926-cı ildə nəşr edilən "Karusel" kitabı 300 min rubla, Korney Çukovskinin "Telefon" kitabı isə 140 min rubla satılıb.