Kolumbiya səfirliyinin nümayəndələri Tərcümə Mərkəzində olublar

Bakı 25 yanvar. REPORT.AZ/ Kolumbiyanın Azərbaycandakı səfirliyinin müvəqqəti işlər vəkili xanım Marta Galindo və konsulu xanım Kelly Chaib De Mares Nazirlər Kabineti yanında Tərcümə Mərkəzində olublar.

Mərkəzdən "Report"a verilən məlumata görə, görüş zamanı Tərcümə Mərkəzi ilə Kolumbiya səfirliyinin birgə layihəsi olan “İyirmi şeir” (Kolumbiya və Azərbaycan şairlərinin şeirlərinin toplandığı) kitabının nəşrinə dair yekun məsələlər müzakirə olunub. Nəşri bu ilin aprel ayında Kolumbiya Milli Nəşriyyatında baş tutacaq kitabın təqdimatı və digər ispandilli ölkələrdə nəşrinə dair fikir mübadiləsi aparılıb.