Hitlerin kitabının yeni nəşri Almaniyada satış hitinə çevrilib

Bakı. 3 yanvar. REPORT.AZ/ Adolf Hitlerin "Mayn Kampf" kitabının Münhen Müasir Tarix İnstitutu tərəfindən tənqidi şərhlərlə dərc olunmuş yeni nəşri 2016-cı ildə Almaniyada satış hitinə çevrilib.

"Report" xəbər verir ki, bu barədə "Tagesspiegel" nəşri yazıb.

İnstitutun direktoru Andreas Virşinqin sözlərinə görə, satış gözlənilən göstəricini 20 dəfə üstələyib və yeni nəşr müəlliflərinin nəzərdə tutduğu 4 min əvəzinə 85 min kitab satılıb.

O, həmçinin qeyd edib ki, yanvarın sonunda altıncı tirajın buraxılması və kitabın başqa dillərə tərcümə olunması planlaşdırılır.