DÇ-2022: Argentina millisi və Messi penalti sayında rekordlar müəyyənləşdirib

DÇ-2022: Argentina millisi və Messi penalti sayında rekordlar müəyyənləşdirib İndiyədək heç bir turnirdə belə hal gerçəkləşməyib
Dünya Çempionatı - 2022
19 Dekabr , 2022 08:58
DÇ-2022: Argentina millisi və Messi penalti sayında rekordlar müəyyənləşdirib

Qətərdə keçirilən dünya çempionatında penaltilərlə bağlı yeni rekordlar qeydə alınıb.

"Report"un məlumatına görə, ötən gün başa çatan mundialda beş oyunun qalibi 11 metrlik zərbələrdən sonra bəlli olub.

İndiyədək heç bir turnirdə belə hal gerçəkləşməyib.

Pley-offda Xorvatiya - Yaponiya, Mərakeş - İspaniya, 1/4 final mərhələsində Argentina - Niderland, Xorvatiya - Braziliya və finalda Argentina - Fransa matçları bu cür sonluqla bitib.

Bundan əlavə, Argentina millisinin ulduz futbolçusu Lionel Messi də 11 metrlik cərimə zərbəsi sayında rekordlar müəyyənləşdirib. 35 yaşlı hücumçu bir yarışda əsas və əlavə vaxtda ən çox penalti (5) yerinə yetirən yeganə oyunçu olub. Bundan əlavə, o, ümumi sayı 6-ya çatdıraraq ingiltərəli Harri Keyni (5) geridə qoyub.

Turnir tarixində ilk dəfə bir komanda (Argentina) 5 dəfə penaltidən yararlanıb, həmçinin final görüşündə qapılara üç 11 metrlik cərimə zərbəsi təyin olunub.

Qeyd edək ki, Cənubi Amerika təmsilçisi həlledici qarşılaşmada Fransanı məğlubiyyətə uğradıb.

Son xəbərlər

Orphus sistemi