​Türkiyədə ilk ateist təşkilatının saytına qadağa qoyulub

Bakı. 5 mart. REPORT.AZ/ Türkiyə məhkəməsi ölkənin ilk ateist assosiasiyasının saytına girişi əngəlləyib.

"Report" xəbər verir ki, bu barədə "Əl-Arabiyə" telekanalı məlumat yayıb.

Məhkəmə saytın fəaliyyətini böyük əksəriyyətin İslam dininə etiqad etdiyi bir ölkədə "dini dəyərlərə təhqir" kimi qəbul edib.

Assosiasiya nümayəndələri isə öz növbələrində bu qərarın qanunsuz və demokratiyaya zidd olduğunu, həmçinin Türkiyənin ölkə hüdudlarından kənarda nüfuzuna xələl gətirəcəyini bildiriblər.